VOV4.Jarai - Plơi prong Buôn Ma Thuột amra tŏ ngă tui hơdră pơčlah mơnuih mơnuih tui tơlơi črâo trun mrô 16 mơng Khua dêh čar amăng 7 hrơi dong, dong mơng 12 mông mlăm mơguah lơ 8/8. Anai lĕ tơlơi git gai phrâo hloh mơng tơring čar Daklak kơ bruă pơčlah mơnuih mơnam pioh pơgang klin Covid-19. Tui Jơnum min mơnuih ƀon sang tơring čar  Daklak, găn rơgao 14 hrơi ngă tui tơlơi črâo trun mrô 16 mơng Khua dêh čar amăng plơi prong Buôn Ma Thuột hăng tơring glông Čư̆ Kuin, ră anai klin Covid-19 glăk ƀơƀrư̆ pơgang hĭ.

Ƀơi tơring glông Čư Kuin, mah mrô mơnuih ƀă klin Covid-19 lu mơn samơ̆ kơnong ƀing mơnuih amăng anih pơčlah pơƀut hăng kual arăng guang dar. Amăng plơi prong Buôn Ma Thuột, ăt ƀuh sa, dua čô mơnuih ƀă klin aka ƀu thâo lar mơng pă, kiăng tŏ kiăo tui ĕp hăng pơčrang lăng djop anih. Yua anun, Jơnum min mơnuih ƀon sang tơring čar Daklak pơsit, plơi prong Buôn Ma Thuột amra tŏ ngă tui tơlơi črâo trun mrô 16 mơng Khua dêh čar amăng 7 hrơi dong dong mơng 12 mông mlăm mơguah lơ 8/8 truh lơ 14/8 thun 2021. Ƀơi tơring glông Čư̆ kuin, dong mơng 12 mông mlăm mơguah lơ 8/8 amra ngă tui tơlơi črâo trun mrô 15 mơng Khua dêh čar amăng 14 hrơi dong.

Siu Đoan: Pơblang