VOV4.Jarai - Tal pơplông abih anih 12 thun 2021, tơring čar Daklak hơmâo rơbêh 19.800 čô čơđai nao pơplông ƀơi 32 boh sang hră, hăng rơbêh 830 anih pơplông. Gơnong bruă pơtô hrăm tơring čar Daklak hơmâo pơƀut rơbêh 2.700 čô mơnuih djru amăng tal pơplông anai. Amăng anun hơmâo rơbêh 2.250 čô mơnuih apăn bruă, nai pơtô, ƀing tơhan wai lăng brơi tal pơplông anai. Ƀơi anăp kơ klin Covid-19 glăk ngă tơnap tap, Jơnum min mơnuih ƀon sang tơring čar Daklak hơmâo git gai gơnong bruă pơtô hrăm pơtô pơblang rơđah brơi ƀing čơđai, mơnuih djru brơi tal pơplông ngă tui khut khăt amăng bruă pơgang klin Covid-19 mơng gơnong bruă ia jrao pơtrun, anăm nao pơ hơdôm anih ƀu kiăng. Gơnong bruă pơtô hrăm gơgrong gum hrŏm hăng gơnong bruă ia jrao, Jơnum min mơnuih ƀon sang hơdôm tơring glông, plơi prong hăng hơdôm anom bruă bơdjơ̆ nao kiăo tui hmư̆ tơlơi pơhing lăi nao klin kman kiăng kơ pok pơhai tal pơplông amăng tơring čar lăp djơ̆ hăng tơlơi sit nik, pơhlôm brơi ƀing čơđai nao pơplông laih dong ƀing mơnuih apăn bruă lêng kơ rơnuk rơnua.

Siu Đoan: Pơblang