VOV4.Jarai - Ngă tui tơlơi črâo ba mơng Grŭp apui lơtrik Việt Nam kơ pơhrŏ trun nua apui, prăk apui kơ hơdôm khul grŭp, mơnuih bơbeč mơng klin Covid-19, Sang bruă apui lơtrik Daklak glăk pok pơhai čih anăn hơdôm anih anom sang jưh tuai hyu čuă ngui, hơdôm anih anom dô̆ čơlah hơbit, pel ĕp pơjrao tơlơi ruă kơ mơnuih đing đăo ƀă kơman, hmâo ƀă kơman kiăng djru tui tơlơi pơkă. Hơdôm hrơi djru pơhrŏ trun nua apui hăng pơhrŏ trun prăk apui kơ hơdôm mơnuih yua apui dưi yap mơng tal pơkă prăk apui blan 6 truh truh blan 12/2021.

Tui hăng tơlơi pơkă lăng hlâo mơng Sang bruă apui lơtrik tơring čar Daklak, abih bang mrô prăk pơkă lăng hlâo lĕ rơbêh kơ 5 klai prăk. Hơdôm bôh anih anom sang jưh tuai čuă ngui amra dưi pơhrŏ trun nua apui. Pơkĕ brơi đô̆č apui yua kơ hơdôm anih anom glăk dô̆ čơlah, pel ĕp pơjrao tơlơi ruă hơbit kơ mơnuih đing đăo ƀă kơman klin, hmâo ƀă kơman klin Covid-19; pơhrŏ trun 20% mrô prăk apui lơtrik kơ hơdôm gơnong bruă ia jrao glăk yua pioh pel ĕp, pơčrang lăng, pơjrao mơnuih đing đăo ƀă kơman klin, mơnuih ƀă kơman klin Covid-19./.

Siu H’ Prăk: Pô pơblang