VOV4.Jarai - Khul git gai pơyơr drah tơring čar Daklak gum hrŏm hăng hơdôm anom bruă pơphun jơlan hơdră pơyơr drah hăng anăn hrơi tơjuh mriah thun 2022. Jơlan hơdră hơmâo pơhrui rơbêh 220 anung drah amăng hrơi blung a lơ 8/1. Tui hăng ơi Nguyễn Đức Phú - Anom bruă pơsur pơyơr drah tơring čar Daklak, ră anai klin Covid-19 ăt dŏ ngă tơnap tap, yua anun amra ngă kơƀah drah pioh jôr brơi ƀing mơnuih ruă kă amăng thun anai, kah hăng amăng bơyan ƀong tết pơ anăp anai.

Daklak pơphun jơlan hơdră hrơi tơjuh mriah thun 2022

Tui hăng tơlơi pơkă, amăng blan 1 anai, amra pơphun 6 tal pơyơr drah, him lăng pơhrui glăi mơng 2.500 -3.000 anung drah. Mrô drah pơhrui amra bao nao pơ anom bruă kơtăk drah gơnong glông giăm 1.000 anung, dŏ glăi tơring čar amra djă pioh giăm 2.000 anung kiăng kơ jôr hăng pơjrao brơi ƀing mơnuih ruă kă amăng bơyan čơkă thun phrâo pơ anăp anai.

Siu Đoan: Pơblang