VOV4.Jarai - Mơguah lơ 26/11, Gơnong bruă đang hmua hăng pơđĭ kyar ƀôn lan tơring čar Daklak pơphun ngă lơphet pok phun bruă pla kyâu kiăng pơgang anih anom dô̆, plai ƀiă tơlơi ayuh hyiăng ƀu klă, hơdư̆ ƀiă bơdjơ̆ nao mơng pơplih ayuh hyiăng.

Mơnuih apăn bruă, hlăk ai gum hrom pla kyâu amăng mông ngă lơphet

Amăng mông ngă lơphet, ƀing khua pơ ala hăng mơnuih mơng khul hlăk ai Daklak pla laih 100 ƀĕ phun kyâu giar jŭ dlông 3 m hăng dlông hloh kơ anun ƀơi 7 ară jơlan amăng plơi prong Buôn Ma Thuột. Anai lĕ sa bruă mă pok pơhai Tơlơi pơtrun pơsit Jơnum khua pơ ala Ping gah tơring čar Daklak tal 17 rơwang bruă mơng thun 2020-2025, hăng bôh than pơđĭ tui rơnoh gôm lŏn hong mơng tơring čar Daklak hmâo mơng 40-42% kual lŏn dlai. Kiăo tui anun, đơ đam tơring čar khom pla hmâo 10.085 ektar dlai, amăng anun: Pla kyâu yua pum kyâu lĕ 1.000 ektar; Pla kyâu pơgang hlôm hlâo, kyâu mă yua  365 ektar; Pla kyâu yua pơkra gơnam lĕ 8720 ektar./.

Siu H’ Prăk: Pô pơblang