VOV4.Jarai - Tlam (22/8), ơi Lê Thái Dũng - Khua git gai Ping gah tơring glông Čư̆ Kuin, Daklak brơi thâo, Khul apăn bruă Ping gah tơring glông Čư̆ Kuin hơmâo jơnum hăng ba tơbiă tơlơi pơsit brơi pơdơi bruă kơ Khua git gai Ping gah să Dray Bhăng hăng ơi Vũ Duy Tấn. Tui anun, ơi Vũ Duy Tấn yua kơ hơmâo bruă amăng sang anŏ pơ tơring glông Krông Ana (Daklak) amăng hơdôm hrơi tơring glông Čư̆ Kuin glăk pơgang mơnuih mơnam pioh pơgang klin tui tơlơi črâo trun mrô 16 mơng Khua dêh čar samơ̆ ñu ƀu lăi pơthâo brơi hlơi ôh, ƀu rơkâo Ping gah tơring glông.

Yua anun, Khul apăn bruă Ping gah tơring glông Čư̆ Kuin pơsit brơi pơdơi bruă Khua git gai Ping gah să Dray Bhăng hăng ơi Vũ Duy Tấn, hrơi pơdơi dong mơng lơ 21/8. Bruă git gai jao glăi ơi Đào Văn Tào, Kơ-iăng khua git gai Ping gah să Dray Bhăng, ñu amra git gai bruă amăng hơdôm hrơi ơi Tấnb arăng brơi pơdơi bruă dong mơng lơ 21/8 truh hrơi khul apăn bruă Ping gah tơring glông pơsir ngă rơđah tơlơi glăm ba mơng Khua git gai Ping gah să anai kiăng kơ bơtơhmal kơ bruă pơtah tai amăng pơgang klin.

Siu Đoan: Pơblang