VOV4.Jarai - Tơdơi giăm hmâo sa rơwang hrơi tơjuh pơdơi jăng jai test Covid-19 ƀơi Sang ia jrao plơi prong Buôn Ma Thuột, Sang ia jrao pơjrao tơlơi ruă čơđai muai Đức Tâm hăng Anom pel ĕp tơlơi ruă Hoàn Hảo, lơ 13/7, Gơnong bruă ia jrao Daklak hmâo tŭ ư brơi 3 bôh anom anai mă bruă glăi, kiăng ngă hră yua rô hyu kơ mơnuih ƀôn sang hăng ƀing mơgăt rơdêh nao pơ̆ hơdôm anih anom rơkâo khom hmâo hră pơčrang lăng kơman tañ Covid-19 ƀu hmâo ƀă kơman. Hlâo kơ anun, lơ 8/7, Gơnong bruă ia jrao tơring čar Daklak hmâo laih hră mrô 2360 kơ bruă pơdơi test lăng kơman Covid-19 ƀơi hơdôm anih anom ia jrao, pơjrao tơlơi ruă amăng tơring čar kiăng gơnong bruă ia jrao pơphun pơsit, tơdah anih anom hơpă pơhlôm anun kah mơng brơi mă glăi bruă test. Hrom hăng 3 bôh anih anom pel ĕp, pơjrao tơlơi ruă phrâo lăi anun dưi test glăi Covid-19, Daklak ăt djă pioh mơn anih test tañ brơi đô̆č 100 čô mơnuih sa hrơi kơ mơnuih mơgăt rơdêh hmâo ƀăng C ƀơi Anom ia jrao plơi prong Buôn Ma Thuột./.      

Siu H’ Prăk: Pô pơblang