VOV4.Jarai - Tal pơplông abih anih 12 thun 2021, đơ đam tơring čar Daklak hơmâo 19.800 čô mơnuih čih anăn nao pơplông, ƀơi 32 boh sang hră ƀơi djop tơring glông, plơi prong  Buôn Ma Thuột. Kiăng kơ bruă pơhlôm apui lơtrik mă yua, amăng hơdôm hrơi pơphun pơplông, kông ti apui lơtrik Daklak gum hrŏm hăng gơnong bruă pơtô hrăm tơring čar pơphun pel ĕp abih bang anih pơphun pơplông, khul wai lăng, hơdôm anih čoh hră pơplông hăng čom puang.

Mơng anun, pơjing hăng pok pơhai ngă tui hơdôm hơdră bruă mă, apui lơtrik hăng lăp djơ̆. Ơi Nguyễn Văn Hảo - Khua anom bruă wai lăng mơng Kông ti apui lơtrik Daklak brơi thâo, klin Covid-19 tơnap tap, samơ̆ hơdôm anom bruă apui lơtrik hơmâo pok pơhai pel ĕp hrĕ dăng hyu apui lơtrik; pơkra ming hơdôm anih răm rai kiăng kơ mă yua hơđong; prap lui gơnam tam măi mok kiăng kơ pơhlôm dưi mă yua, pơkra ming tơdah răm rai, pơhlôm hơđong mă yua amăng tơhrơi kah hăng mơmŏt mlăm amăng hơdôm hrơi pơplông.

Siu Đoan: Pơblang