VOV4.Jarai - Mơguah lơ 1/7, Khul git gai tal pơplông abih anih 12 tơring čar Daklak nao pel ĕp bruă pral lui tal pơplông abih anih 12 ƀơi hơdôm sang hră amăng plơi prong Buôn Ma Thuột. Tal pơplông thun 2021 anai, tơring čar Daklak hơmâo 1 khul git gai, 32 anih pơphun pơplông hăng rơbêh 19.800 čô čơđai nao pơplông. Kơnong ƀơi plơi prong Buôn Ma Thuột hơmâo 9 anih pơphun.

Khul git gai pơplông abih anih 12 pel ĕp bruă pơphun pơplông ƀơi djop sang hră

Truh ră anai, djop sang hră prap lui giong laih gơnam tam măi mok, mơnuih djru bruă. Ƀơi anăp kơ klin Covid-19 glăi tơnap tap, kiăng kơ pơhlôm rơnuk rơnua brơi ƀing čơđai, mơnuih apăn bruă, ƀing nai pơtô, hrŏm hăng bruă pơčlah ƀing čơđai hlâo kơ hrơi pơplông, hơdôm sang hră ăt hơmâo hơdră pruih ia jrao tơdơi kơ mông pơplông, pơčrang lăng hyuh amăng drơi jăn, rao tơngan hăng ia jrao, truă akhăn gôm ƀô̆ hăng ƀiă biă mă ñu 2 anih prap lui. Truh ră anai, Daklak aka ƀu hơmâo mơnuih apăn bruă, mơnuih djru bruă ƀudah ƀing čơđai sang hră amra pơplông amăng tal 2.

Siu Đoan: Pơblang