VOv4.Jarai - Tơlơi pơhing mơng Khul git gai pơgang klin Covid-19 tơring čar brơi ƀuh, truh ră anai, tơring čar Daklak hơmâo tŭ mă 12 wŏt vaccine pơgang klin Covid-19 mơng Ding jum ia jrao hăng rơbêh 1.230.000 liều vaccine amăng abih tih rơbêh 2 klăk 700 rơbâo liều glăk kiăng ră anai, hăng brơi rơbêh 1 klăk 400 rơbâo kơ ƀing mơnuih rơbêh 18 thun pơ glông amăng tơring čar.

Daklak kiăng dong rơbêh 1 klăk 800 rơbâo liều vaccine kiăng kơ tlâ̆o brơi 80% mrô mơnuih amăng đơ đam tơring čar

Truh lơ 8/11, đơ đam tơring čar Daklak hơmâo tlâ̆o brơi laih giăm 1 klăk 128 rơbâo liều vaccine, amăng anun, tlâ̆o 1 ară rơbêh 993 rơbâo liều, dưm dưm rơbêh 70% hăng tlâ̆o 2 ară rơbêh 128 rơbâo liều, dưm dưm 9%. Hơmâo 5 amăng 15 boh ƀon lan gưl tơring glông tlâ̆o 1 ară brơi 80%, hơmâo plơi prong Ƀuôn Ma Thuột (84,8%), Krông Ƀuk (84,7%), Ea H’leo (86,7%), Čư̆ Kuin (84,4%) hăng plơi prong Ƀuôn Hồ (80,1%). Ơi Nay Phi La, Khua gơnong bruă ia jrao tơring čar Daklak brơi thâo: kiăng pơhlôm truh rơnuč thun 2021 Daklak amra tlâ̆o brơi vaccine kơ rơbêh 80% mrô mơnuih mơng 12 thun pơ glông, tơring čar kiăng dong 1 klăk 890 rơbâo liều, amăng anun vaccine kiăng amăng blan 11 anai lĕ rơbêh 1 klăk liều hăng blan 12 lĕ 667 rơbâo 600 liều.

Siu Đoan: Pơblang