VOV4.Jarai - Mơguah tom brơi (13/8), ƀơi tơring glông Lak, Khul git gai pơsur nao pơyơr drah amăng tơring glông Lak, Daklak pơphun nao pơyơr drah tal 2 hăng ngă lơphet pơpŭ bơni mơnuih nao pơyơr drah lu hloh amăng rơwang thun 2015-2020. Amăng mông jơnum, Khul git gai hơmâo jao 13 pok hră pơpŭ bơni mơng Jơnum min mơnuih ƀon sang tơring čar Daklak hăng 17 pok hră pơpŭ mơng Khul git gai pơyơr drah gưl tơring čar brơi 5 boh sang anŏ hăng 25 čô mơnuih amăng bruă djru pơsur pơyơr drah rơwang thun 2015-2020 ƀơi tơring glông Lak. Laih dong pơphun pơyơr drah tal 2, mơng anun tŭ mă 263 anung drah kiăng kơ ba nao anom bruă kah pha drah jôr brơi mơnuih ruă kă ƀơi sang ia jrao pơprong kual Dap kơdư.

Siu Đoan: Pơblang