VOV4.Jarai - Ngă tui tơlơi jak iâu gum pơgôp prăk kak blơi vaccine hăng gơnam măi mok gah ia jrao pioh pơgang klin Coivd-19 mơng Jơnum min djop djuai ania mơnuih mơnam Việt Nam, tơdơi kơ rơbêh ha wŏt hrơi tơjuh, sa, dua anom bơwih ƀong sĭ mơdrô, mơnuih ƀon sang amăng tơring čar Daklak hơmâo pơgôp giăm 6 klai prăk anai lĕ prăk pơgôp mơng 30 boh anom bơwih ƀong sĭ mơdrô hăng 1 čô mơnuih. Tơdơi tŭ mă, Jơnum min djop djuai ania mơnuih mơnam Việt Nam tơring čar Daklak amra jao glăi amăng Keh prăk Jơnum min djop djuai ania mơnuih mơnam Việt Nam, laih anun mă blơi vaccine hăng gơnam măi mok gah ia jrao pioh pơgang klin Covid-19 tlâ̆o brơi mơnuih ƀon sang.

Pơ anăp anai, Jơnum min djop djuai ania mơnuih mơnam Việt Nam tơring čar Daklak tŏ tui jak iâu gum pơgôp mơng djop khul grup, ƀing mơnuih ƀon sang amăng tơring čar, prăk pơgôp amra ba nao mrô sang 7 Nguyễn Tất Thành, plơi prong Buôn Ma Thuột, tơring čar Daklak; ƀudah mơ-it nao Khul gum djru tơring čar Daklak (gah Jơnum min djop djuai ania mơnuih mơnam Việt Nam tơring čar) mrô tŭ mă prăk lĕ: 3751.0.9035934.0000 - Keh prăk kơnuk kơna ƀơi tơring čar Daklak.

Siu Đoan: Pơblang