VOV4.Jarai - Lơ 21/7, tơring čar Daknông hmâo ngă tui tơlơi dô̆ čơlah abih bang să Dak Wer, tơring glông Dak R’lấp pioh pơgang, pơgăn klin Covid-19. Kiăo tui anun, tơdơi kơ tô̆ tui tlôn čih dong 4 čô mơnuih ƀă kơman Covid-19 lĕ F1 mơng pô ruă hmâo mrô 60204, dô̆ ƀơi thôn 10, să Dak Wer, tơring glông Dak R’lấp lĕ pô ruă mơng ƀôn prong Hồ Chí Minh glăi, gơnong bruă ia jrao tañ hyu huĕt ĕp hmâo 15 čô mơnuih giăm pô ruă, hrom hăng anun pơphun guang dar kual hmâo mơnuih ruă hăng dô̆ čơlah hơdôm mơnuih bơdjơ̆ nao. Khă hnun hai kiăng pơhlôm kơ bruă pơgang, pơgăn klin Covid-19 tơring glông Dak R’lấp hmâo pơphun dô̆ čơlah abih bang anih anom gah să Dak Wer. Hrơi pơkă dô̆ čơlah 14 hrơi, ngă tui mơng lơ 21/7 hăng tui hluai kơ klin ruă ngă mơ̆ dô̆ čơlah amra sui hloh./.

Siu H’ Prăk: Pô pơblang