VOV4.Jarai - Lơ 20/7, Grŭp črâo ba bruă pơgang, pơgăn klin ruă gah ană mơnuih tơring čar Daknông hmâo guang dar laih anom mă bruă Jơnum min mơnuih ƀôn sang să Quảng Sơn, tơring glông Dak Glong, yua pơsit hmâo ƀă kơman Covid-19 nao pơ̆ anun mă bruă.

 Rơđah biă ñu, hmâo mă tơlơi pơhing mơng Anom wai lăng tơlơi duam ruă tơring čar Daklak lăi pơthâo kơ sa čô mơnuih phrâo čih pioh ƀă kơman Covid-19 ƀơi tơring čar Daklak lăi pơthâo lơ 13/7 hmâo nao pơ̆ să Đức Xuyên, tơring glông Krông Nô hăng să Quảng Sơn, tơring glông Dak Glong, hmâo bưp giăm hăng sa dua čô mơnuih. Tơring čar Daknông hmâo rơkâo laih dua bôh să Đức Xuyên hăng Quảng Sơn tañ guang dar kual, pel ĕp, hyu huĕt ĕp, dô̆ čơlah tui pơkă hăng hơdôm mơnuih hmâo bơdjơ̆ nao, bưp jê̆ giăm. Tơring čar hmâo rơkâo laih guang dar anom mă bruă jơnum min mơnuih ƀôn sang să kiăng pơhlôm bruă pơgang, pơgăn klin, tañ pel ĕp, hyu huĕt ĕp hơdôm mơnuih bơdjơ̆ nao yua kơ lơ 13/7, pô ƀă kơman Covid-19 hmâo nao laih pơ̆ anom bruă Jơnum min mơnuih ƀôn sang să Quảng Sơn lăi pơthâo bruă mă./.

Siu H’ Prăk: Pô pơblang