VOV4.Jarai - Čơtlăm lơ 15/7/2021, tơring čar Daknông đing đăo pô tal 5 ƀă kơman Covid-19 lĕ pô mơgăt rơdêh pơgiăng gơnam tam đuăi găn tơring čar. Pô anai đah rơkơi 40924 lĕ V.H.L.E, kơteng thun 1991, dô̆ ƀơi plơi Mỹ Long, să Mỹ An, tơring glông Chợ Mới, tơring čar An Giang. Lom găn tơring čar Daknông pô hmâo tơlơi arăng kiăng mă ia khak test tañ hăng ƀuh ƀă kơman Sars-CoV-2 lŏm 9h15’ lơ 15/7/2021. Pô ruă tañ dưi hmâo gơnong bruă ia jrao mă ia khak ba nao pơ Anom wai lăng tơlơi duam ruă tơring čar pel ĕp lăng, pơsit hăng hơdră RT-PCR hăng brơi ƀuh kơman klin lom 4h45’ čơtlăm. Pô anai dưi ba nao hăng rơdêh juăt pơgiăng mơnuih nao pơ̆ anih dô̆ čơlah pơjrao tơlơi ruă klin mơng tơring čar. Tơdơi kơ čơkă mă, khul apăn bruă hmâo hyu huĕt ĕp 4 čô mơnuih hmâo giăm hăng ñu hăng glăk pơphun dô̆ čơlah mă ia khak pioh pơčrang lăng. Hrom hăng anun gơnong bruă ia jrao pơdjai kơman abih bang kual dô̆ gak Cai Chanh hăng kual pơčrang lăng test tañ mơng Anom ia jrao tơring glông Dak R’lấp./.

Siu H’ Prăk: Pô pơblang