VOV4.Jarai - Tui hăng Gơnong bruă ia jrao tơring čar Daknông, truh ră anai đơ đam tơring čar hmâo ngă giong laih 4 tal tlâ̆o pơgang vaccine Covid-19. Daknông jing sa amăng 4 bôh tơring čar amăng đơ đam dêh čar ta pơhlôm rơnoh tlâ̆o pơgang djơ̆ tơlơi pơkă.

Kiăo tui anun, amăng 4 tal gơnong bruă ia jrao Daknông hmâo ngă giong laih bruă tlâ̆o pơgang brơi rơbêh kơ 44.100 čô mơnuih, amăng anun hmâo rơbêh kơ 6.000 čô mơnuih hmâo tlâ̆o giong ară tal 2. Hơdôm mơnuih dưi tlâ̆o pơgang vaccine Covid-19 gah ƀut đing nao hlâo lĕ hơdôm mơnuih mă bruă amăng hơdôm anih anom ia jrao, mơnuih gum hrom pơgang pơgăn klin hăng mơnuih mă bruă ƀơi 3 kual sang măi mơng tơring čar. Kiăng bruă tlâ̆o pơgang vaccine ba glăi bôh tơhnal, gơnong bruă ia jrao tơring čar Daknông hmâo pơphun tlâ̆o brơi ƀơi 8 bôh anih anom, anun lĕ: Sang ia jrao prong tơring čar ƀơi plơi prong Gia Nghiã hăng 7 bôh anom ia jrao hơdôm bôh tơring glông./.

Siu H’ Prăk: Pô pơblang