VOV4.Jarai - Kiăng bĕ lar hyu kơman Sars-CoV-2 amăng plơi pla, tơring čar Daknông hmâo črâo ba hơdôm khul mơnuih mă bruă hmao tlôn ngă tui hơdôm bruă lăng tui, dô̆ čơlah, pơpha jơlan nao hăng hơdôm mơnuih glăi mơng kual klin ngă. Ƀơi anih dô̆ gak Cai Chanh lĕ bah amăng phun blung a mut amăng hơdôm bôh tơring čar Dăp Kơdư: Khul apăn bruă Daknông hmâo pơpha tañ laih jơlan nao rai djơ̆, hơdư̆ tơlơi hơdôm bôh rơdêh pơdơi dŏng glăi, kiăng bĕ lar tưp klin ruă. Hrom hăng anun lăng tui kơjăp hră čih anăn hơdôm mơnuih dô̆ glăi ƀơi tơring čar Daknông hăng lăi pơthâo kơ gong gai kiăng wai lăng, dô̆ čơlah, djơ̆ tui tơlơi pơkă. Tui hăng mrô yap mơng gơnong bruă tơring čar Daknông mơng hrơi hơdôm bôh tơring čar gah Dơnung ngă tui dô̆ čơlah mơnuih mơnam hơnong ñu rim hrơi hmâo rơbêh kơ 5000 čô mơnuih đĭ rơdêh thut glăi pơ̆ hơdôm bôh tơring čar kual Dăp Kơdư. Ƀơi Daknông hơdôm hrơi giăm anai mơnuih mơng hơdôm tơring čar glăi đĭ truh 1000 čô mơnuih./.

Siu H’ Prăk: Pô pơblang