VOV4.Jarai -  Ƀơi anăp tơlơi kaih hĭ bruă ngă tui hơdôm hơdră bruă djru mơnuih tơnap tap yua kơ klin Covid-19, Khua Jơnum min mơnuih ƀôn sang tơring čar Daknông rơkâo hơdôm bôh anih anom amăng tơring čar khom tañ ba nao prăk kơ mơnuih hmâo pơsit hlâo kơ lơ 5/11 hăng amăng 10 hrơi pơ̆ anăp ngă giong bruă djru brơi rơbêh kơ 37.600 čô mơnuih.

Tui hăng tơlơi lăi pơthâo glăi mơng Gơnong bruă wai lăng mơnuih mă bruă, tơhan rơka ruă hăng mơnuih mơnam tơring čar Daknông, đơ đam tơring čar hmâo pel ĕp, yap glăi hmâo rơbêh kơ 37.600 čô mơnuih tơnap tap yua kơ klin ruă Covid-19 hăng abih bang prăk mă yua him lăng djru rơbêh kơ 53 klai prăk. Amăng mông jơnum lăng nao rai mơng ataih hăng hơdôm anih anom amăng tơring čar, Khua Jơnum min mơnuih ƀôn sang tơring čar Daknông rơkâo abih bang glông bruă gong gai khom đing nao ngă tui hơdră bruă djru mơnuih mă bruă hăng mơnuih mă yua mơnuih mă bruă bơdjơ̆ nao klin Covid-19, yua kơ lom anai mơnuih ƀôn sang glăk bưp lu tơlơi tơnap kiăng đing nao, djru brơi hmao tlôn./.

Siu H’ Prăk: Pô pơblang