VOV4.Jarai - Khua mir sir ơi Nguyễn Xuân Phúc hơmâo pơhiăp tepehôn hăng Khua git gai Ping gah tal 1 mơng Khua mua git gai Ping gah dêh čar Cuba, Khua mir sir Cuba, Miguel Díaz-Canel, lăi nao hơdră ngă bruă kiăng pơđĭ tui tơlơi rô nao rai giăng mah yôm pơphăn mơng Ping gah, Kơnuk kơna hăng mơnuih ƀon sang dua bơnah. Khua mir sir ơi Nguyễn Xuân Phúc hok mơ-ak biă mă lơ̆m tal blung a hơmâo pơhiăp tom ơi Miguel Díaz-Canel hăng tơlơi gơgrong bruă phrâo; pơsit tơlơi rô nao rai dua bơnah đĭ kyar na nao mah hơmâo klin prong. Dua čô khua pơsit tơlơi gum pơgôp thâo djru nao rai amăng mông tơnap tap, tŭ ư ngă hrŏm hăng bơlăi nao rai tơlơi rơgơi akŏ pơjing kơnuk kơna Chủ nghiã xã hội mơng dua bơnah. Khua mir sir Miguel Díaz-Canel  pơsit, dêh čar Cuba lăng yôm biă mă djru nao rai vaccine hăng Việt Nam, gir mơng anai truh abih thun 2021 amra brơi nao lu vaccine Abdala pơgang Covid-19 mơng Cuba laih anun amra pơkiăo nao ƀing kơhnâo kơhnak pơtô glăi bruă pơkra vaccine kơ Việt Nam.

Siu H’Mai: Pơblang