VOV4.Jarai - Tlam lơ 4/10, ƀơi Hà Nội hơmâo jơnum čơkă mă giăm 1 klăk 500 rơbâo liêu vaccine Pfizer yua Mi brơi kơ Việt Nam tui hơdră djru COVAX. Hăng tơlơi djru anai, dêh čar Mi pơsit ƀuăn dong mơn amra djru Việt Nam dưi pơgăn hĭ abih klin Covid-19, djru pơhlôm tơlơi rơnuk rơnua hăng suaih pral kơ mơnuih ƀon sang. Ƀơi mông jao vaccine, Kơ-iăng khua ding jum pơtom hiăp Đặng Hoàng Giang bơni biă kơ Kơnuk kơna Mi kơ tơlơi gum djru Việt Nam tui hơdră djru COVAX. Amăng hrơi mông klin kheng ƀơi rŏng lŏn tơnah hăng ƀơi Việt Nam ăt dŏ kơtang đôč, tơlơi djru anai jing yôm biă mă yơh, djru kơ Việt Nam amăng ƀrư̆ dưi hơdip hrŏm hăng klin kheng; laih dong čang rơmang kiăng hơmâo dong tơlơi gum djru mơng ƀing gŏp, ƀu kơnong vaccine đôč ôh mơ̆ hơmâo djru ba ia jrao, pơtô ba tơlơi thâo thăi hơkrŭ bơwih ƀong hăng wai lăng klă klin duam ruă, mơng anun djru kơ tơlơi rơnuk rơnua hrŏm ƀơi rŏng lŏn tơnah.

Siu H’Mai: Pơblang