VOV4.Jarai - Ding jum bruă mă, tơhan rơka hăng mơnuih mơnam phrâo hơmâo hră pơtrun mơ-it Jơnum min mơnuih ƀon sang djop tơring čar, ƀôn prong kơ bruă pok pơhai hmao tlôn hơdră čem rông ba ƀing čơđai drit druai yua klin Covid-19 ngă. Ră anai, ƀơi ƀôn prong Hồ Chí Minh hăng sa, dua boh tơring čar, ƀôn prong hơmâo rơbêh ha rơbâo čô čơđai drit druai. Kiăng kơ hmao tlôn djru brơi hăng pơ alum pran jua ƀing gơñu, Jơnum min dêh čar kơ bruă djru čơđai hăng Ding jum bruă mă, tơhan rơka hăng mơnuih mơnam rơkâo Jơnum min mơnuih ƀon sang djop tơring čar, ƀôn prong git gai jŭ yap glăi mrô čơđai anai, tơña tơlơi ƀing gơñu kiăng hăng ƀing čem rông ba ƀing čơđai kiăng kơ hơmâo hơdră djru hmao tlôn; lăp djơ̆; hơmâo hơdră bruă amăng ƀon lan kiăng kơ gum djru, čem rông ba pơ anăp anai hăng sui thun dong hăng ƀing čơđai anai ƀơi hơdôm tơring čar, ƀôn prong hơmâo mrô čơđai drit druai yua klin Covid-19 ngă.

Siu Đoan: Pơblang