VOV4.Jarai - Mơguah (19/9), Ding jum ia jrao sit nik brơi thâo kơ bruă Khul djru brơi ană mơnuih dêh čar amăng tal kơsem min gah boh thâo ia jrao hơmâo lăi pơthâo kơ boh than ba glăi mơng tal mă yua lông lăng rơwang tal 3 vaccine Nanocovax, laih dong brơi thâo, vaccine anai pơhlôm rơnuk rơnua hăng dưi pơgang klin samơ̆ aka ƀu hơmâo anŏ kiăng kơ pơsit dưi pơgang klă hloh. Tui anun, Khul djru ană mơnuih amăng tal kơsem min gah ia jrao hơmâo jơnum lăng glăi boh than ba glăi mơng tal mă yua lông lăng rơwang tal 3 vaccine Nanocovax anŏ ba glăi mơng kơsem min truh lơ 2/9/2021. Kơ  anŏ klă amăng pơgang klin, truh ră anai, aka ƀu hơmâo anŏ kiăng pơsit vaccine Nanocovax dưi pơgang klin tui hăng mrô mơnuih ƀă klin amăng tal kơsem min, kiăng kơ tŏ tui lăng glăi hơdôm hơdră pơgang tui hăng tơlơi pơkă hơmâo tŭ yap.

Siu Đoan: Pơblang