VOV4.Jarai-Tlam lơ 24/10, Ding jum ia jrao pơphun jơnum mơ̆ng ataih lăng nao rai amăng tivi hăng khua mua 63 boh tơring čar, ƀôn prong kiăng pơtong glăi tơdơi kơ 10 hrơi ngă tui Hră pơtrun 128 bong glăi hơđong, beč bal, ĕp lăng tŭ yua bruă pơgăn klin Covid 19. Mơ̆ng anun, pơtong glăi brơi ƀuh blung a, hơdôm boh tơring čar, ƀôn prong dŏ sư̆ rơbư̆ đôč amăng bruă ngă tui anai hăng lu tơring čar kơtưn hơdră pơgang klin ƀu lui hơmâo klin ƀă phrâo.

Hơmâo 3 mơta tơhnal pơtrun ngă tui Hră pơtrun mrô 128 kah hăng pơkă kual klin truh pơ să, plơi pla; brơi tlâ̆o jrao vaccine trun pơ djop mơnuih laih anun ĕp lăng hơdră pơjrao kơ mơnuih ƀă klin ƀơi lu tơring čar, ƀôn prong aka ƀu djop ia jrao vaccine, dưi ngă kơnong 40% mrô pơkă ngă tui hơdră pơhlôm pơhang klin kơtang.

Mơ̆ng hơdôm tơlơi rơkâo anai, djop tơring čar, Khua ding jum ia jrao ơi Nguyễn Thanh Long rơkâo brơi pok pơhai lu hơdră pơgang klin, ƀu lui klin hơđuh rai phrâo amăng hrơi blan pơ anăp.

Nay Jek: Pơblang