VOV4.Jarai - Hrơi tom brơi (30/11), Khua ding jum ia jrao ơi Nguyễn Thanh Long hơmâo mông mă bruă hăng khua mua anom bruă ia jrao rŏng lŏn tơhan ƀơi Việt Nam, anom bruă pơhlôm pơgang klin dêh čar Mi ƀơi kual Đông Nam Á hăng Jơlan hơdră pơhlôm gah bruă ia jrao tar ƀar rŏng lŏn tơnah CDC dêh čar Mi ƀơi Việt Nam kiăng kơ pơlăi nao rai hơdôm bruă pơgang djuai klin phrâo Omicron. Khua ding jum ia jrao ơi Nguyễn Thanh Long brơi thâo, truh ră anai, Việt Nam aka ƀu hơmâo hlơi ôh ƀă klin Covid-19 hăng djuai klin phrâo Omicron. Kiăng kơ gơgrong pơgang djuai klin anai lar hyu amăng dêh čar, Ding jum ia jrao rơkâo Kơnuk kơna sem lăng, git gai bruă rơdêh pôr pơggiăng tuai mơng hơdôm dêh čar: Nam Phi, Botswana, Namibia, Zimbabwe, Eswatini, Lesotho, Mozambique hăng pơdơi hĭ jang bruă brơi mơnuih mut nao rai mơng hơdôm dêh čar anai. Hơdôm khul grup brơi thâo, amra pơlăi nao rai hăng pơčrang lăng gene amăng ƀing mơnuih ƀă klin Covid-19 kiăng kơ lăi pơthâo Việt nam amuñ pơgang hĭ hơdôm djuai klin phrâo mơng virus Sars-Cov2.

Siu Đoan: Pơblang