VOV4.Jarai - Tlam tom brơi (25/6), Khua git gai Ping gah ơi Nguyễn Phú Trọng git gai jơnum Ding jum kơđi čar kiăng pơgôp hiăp amăng sa, dua hơdră djru brơi mơnuih mă bruă hăng anom bơwih ƀong sĭ mơdrô bưp tơnap tap yua klin Covid-19. Ding jum kơđi čar pơsit tong, hơdôm tal hơđuh đĭ klin Covid-19 amăng thun hlâo hăng thun anai ngă tơnap tap biă mă, bơbeč kơtang nao bruă bơwih ƀong sĭ mơdrô, biă mă ñu lĕ ƀơi hơdôm sang măi tuh tia pơkra pơjing.

Khua git gai Ping gah ơi Nguyễn Phú Trọng đĭ pơhiăp pơđut mông jơnum

Đĭ pơhiăp pơđut mông jơnum, Khua git gai Ping gah ơi Nguyễn Phú Trọng brơi thâo, Ding jum kơđi čar tŭ ư hơdră djru brơi mơnuih mă bruă hăng anom bơwih ƀong sĭ mơdrô bưp tơnap tap yua klin Covid-19. Lăi pơtong, mơng găn rơgao ngă tui tơlơi pơsit mrô 42 mơng Kơnuk kơna hăng lăng tui bruă mă, hơdră djru mơng hơdôm dêh čar amăng jar kmar kiăng kơ đing nao pel ĕp djơ̆ mơnuih kiăng djru brơi klă hloh, pơjing rơnoh djru brơi lăp djơ̆, pơhlôm bơkơnar, tơpă sit, tŭ yua hăng sit nik. Khua git gai Ping gah ơi Nguyễn Phú Trọng pơtă pơtăn klin ăt dŏ ngă tơnap tap, yua anun anăm pơtah tai amăng bruă pơgang klin kman.

Siu Đoan: Pơblang