VOV4.Jarai-Lơ 15/10, Khua tơhan krên dên ơi Tô Lâm, Khua ding jum Kông an git gai jơnum bưp 400 čô khua mua hăng tơhan kông an glăi djru ngă kông an să giăm guai dêh čar, anih tơnap tap, rung răng ƀu hơđong. Ngă tui jơlan hơdră kơtưn brơi khua mua, tơhan kông an anăp nao pơ kual plơi pla, dăp glăi bruă mă kông an djop gưl.

Khua ding jum ơi Tô Lâm ƀơk gơnam kơ khua mua tơhan kông an

Khua ding jum ơi Tô Lâm lăi, jơlan hơdră brơi tơhan kông an mơ̆ng gơnong dlông glăi mă bruă pơ plơi pla lĕ kiăng pơhrua tơhan kông an thâo bruă, laih dơ̆ng ngă gêh găl kơ ƀing tơhan anai hrăm tui tơlơi thâo thăi bruă mă amăng kual plơi pla. Khua ding jum rơkâo ƀing khua mua, tơhan kông an glăi mă bruă amăng plơi pla  gir run pơsir mă tơlơi tơnap tap, gun gan, tañ mut hrom anih mă bruă phrâo hăng pơphun mă bruă ngă giong bruă jao.

Nay Jek: Pơblang