VOV4.Jarai - Anom bruă wai lăng amăng plang internet hăng pơgang, pơgăn tơlơi ngă soh amăng plang internet gah Ding jum Kông ang brơi thâo, anom bruă anai phrâo git gai, gum hrŏm hăng kông ang plơi prong Hà Nội mă pơgăn hĭbruă ngui boh lông ƀong prăk prong hloh amăng plơi prong jưh jom tui web bong88.com. Kơnong mơng thun 2020 truh ră anai mrô prăk pơhrui yua kơ ngui boh lông ƀong prăk rơbêh 1.500 klai prăk. Anom bruă wai lăng plang internet hăng pơgang, pơgăn ƀing ngă soh amăng plang internet hơmâo gum hrŏm hăng kông ang plơi prong Hà Nội pơƀut hơdôm rơtuh čô tơhan pơpha jing 18 grup hyu pel ĕp ječ 18 anih; jak iâu glăi mă bruă hăng 17 čô mơnuih. Mơng hơduah ĕp, blung hlâo ƀing pô anai lăi glăi ngui boh lông ƀong prăk amăng web bong88.com (anai lĕ web hơmâo mơnuih wai lăng mơng dêh čar Mi). Mơng tơlơi tơña hăng lăi glăi anai lĕ web ngui ƀong prăk, anom bruă hơduh ĕp hơmâo ĕp ƀuh lu anih ngui hrŏm, hăng rơnoh prăk ngui dưm dưm 1 rơbâo 500 klai prăk.

Siu Đoan: Pơblang