VOV4.Jarai - Mơguah anai (22/6), ƀơi Hà Nội, Ding jum kông ang dêh čar ta pơphun Jơnum lăng nao rai amăng tivi klah čun pơdŏng, pok pơhai rơwang bruă djă pioh mrô mơng lŏn ia kơ anih anom mơnuih ƀôn sang dô̆, Rơwang bruă pơkra gơnam tam, pơsit, wai lăng hră căn cước công dân hăng ngă lơphet lăi pơthâo mă yua sit nik Glông hơdră mơng lơ 1/7/2021. Bruă pơdŏng pơjing mrô djă pioh mơng lŏn ia kơ anih mơnuih dô̆ lĕ sa amăng hơdôm bruă mă phun, pơjing gru than kơ bruă wai lăng hră pơ-ar kơnuk kơna tui rơnuk phrâo, mă yua bôh thâo phrâo măi mok amăng pơsir hră pơ-ar kơ mơnuih ƀôn sang, anom bơwih ƀong, kiăng hră pơkă nua hră pơ-ar, hrŏ trun hră pơ-ar công dân, hơdôm hrơi hăng prăk pơsir hră pơ-ar, pơđĭ tui bôh tơhnal wai lăng kơnuk kơna hăng djru pơđĭ kyar Kơnuk kơna điện tử. Hăng hơdôm bôh tơhnal dưi ngă, Ding jum kông ang sit nik lăi pơthâo phun ñu ngă giong laih hơdôm tơhnal pơkă rơwang bruă pơdŏng Mrô djă pioh mơng lŏn ia kơ anih mơnuih ƀôn sang dô̆ hăng rơwang bruă pơkra, pơsit hăng wai lăng hră căn cước công dân. Glông hơdră anai amra sit nik mă yua mơng lơ 1/7/2021 hăng amra tô nao rai hăng hơdôm ding jum, gơnong bruă, tơring čar, ƀôn prong djru bruă pơdŏng Kơnuk kơna điện tử hăng djru mơnuih ƀôn sang./.

Siu H’ Prăk: Pô pơblang