VOV4.Jarai - Lơ 9/11, Ding jum kông ang pơphun mông ngă lơphet pok pơhai bruă pioh hơdor hrơi tơlơi phiăn dêh čar Việt Nam. Đại tướng Tô Lâm, Ding kơna ding jum kơđi čar, Khua ding jum kông ang pơhiăp amăng mông ngă lơphet, ñu lăi rơđah: Hrơi tơlơi phiăn Việt Nam dêh čar Cộng hòa xã hội chủ nghĩa Việt Nam hơmâo Kông ang ƀơi djop anom bruă, ƀon lan gir pok pơhai bruă pioh hơdor, ngă tui khut khăt, pơphun lăp djơ̆ hơdôm bruă tong ten, sit nik, thâo pơčeh phrâo, djơ̆ hăng tơlơi kiăng, tơlơi sit nik amăng dêh čar, ngă lar hyu pran kơtang, pơgôp ngă kơđiăng, gơgrong, pran pơpŭ, wai pơgang tơlơi phiăn mơng abih bang mơnuih lăi hrŏm, mơng ƀing apăn bruă, ling tơhan kông ang lăi phara. Khua ding jum ơi Tô Lâm rơkâo khua mua djop anom bruă, ƀon lan ngă klă dong amăng bruă kiăo tui lăng, plĕ ĕp bruă ngă tui tơlơi phiăn, lăi pơthâo, pơtô pơblang tơlơi phiăn, ngă tui hơdră ngă pô, wai lăng kơ bruă pơsir tơlơi ngă soh hơmâo pơphun na nao hăng klă hloh.

Siu Đoan: Pơblang