VOV4.Jarai - Ding jum pơtô hrăm phrâo hơmâo hră pơ-ar mơ-it Jơnum min mơnuih ƀon sang djop tơring čar, ƀôn prong kơ bruă ngă gêh gal kiăng kơ amuñ ba hyu hơdrôm hră brơi ƀing čơđai hrăm amăng thun 2021-2022. Ră anai, giăm 95% mrô hơdrôm hră hơmâo čih pơkra giong brơi djop tơring čar. Samơ̆, bruă ba hyu mơng anih čoh pơkra glăi pơ hơdôm tơring glông, să, hơdôm sang hră hăng truh tơl tơngan ƀing amĭ ama ƀing čơđai glăk bưp tơnap tap, biă mă ñu hơdôm tơring čar glăk pơčlah mơnuih mơnam. Ding jum pơtô hrăm rơkâo djop tơring čar ngă gêh gal kiăng kơ amuñ ba hyu hơdrôm hră tơl djop sang hră, ƀing čơđai hơmâo hơdrôm hră prap mut hrăm hră thun 2021-2022.

Siu Đoan: Pơblang