VOV4.Jarai - Ding jum pơtô pơhrăm phrâo hmâo hră pơ-ar mơ-ĭt kơ hơdôm Gơnong bruă pơtô pơhrăm kơ kơtưn bruă pơtô pơhrăm tui glông internet, ƀơi tivi amăng hơdôm hrơi pơdơi sang hră kiăng pơgang, pơgăn klin Covid-19. Hră pơ-ar mơng Ding jum pơtô pơhrăm lăi rơđah, ƀơi anăp tơlơi ngă tơnap mơng klin Covid-19, hơdôm hrơi čơđai sang hră, ƀing hrăm pơhrua nao akă hrăm giong anih 12 pơdơi sang hră jăng jai, Ding jum pơtô pơhrăm rơkâo hơdôm Gơnong bruă pơtô pơhrăm kơtưn dong hơdôm hơdră pơtô pơhrăm tui internet, ƀơi tivi. Rơđah biă ñu, hơdôm Gơnong bruă pơtô pơhrăm pơtô brơi hơdôm bôh sang hră pel ĕp, pơhrŏ trun bôh yôm kiăng pơphun pơtô pơhrăm tui internet, ƀơi tivi, djơ̆ hơdră. Lom pok pơhai ngă tui, khom hơduah tơña lăng, mă yua hơdôm bôh than hrăm lăp đăo gơnang, djơ̆ kiăng pơphun pơtô pơhrăm hăng pơtô brơi čơđai hrăm. Lom čơđai pơwot glăi hrăm, hơdôm bôh sang hră amra pơphun pel ĕp glăi, pơsit bôh tơhnal hrăm hră mơng čơđai sang hră tui internet, ƀơi tivi./.

Siu H’ Prăk: Pô pơblang