VOV4.Jarai - Klin Covid-19 glăk ngă tơnap tap yua anun mơnuih ƀon sang ƀu dưi tơbiă hyu gah rơngiao, bruă blơi gơnam mơñum ƀong glăi pơ sang ƀuh lu biă mă ngă kơ bruă yua đing hrĭp mơñum ia kơsu ăt lu mơn. Ngă hiưm pă kiăng kơ pơgang klin rah mơ̆ ăt pơhlôm agaih anih dŏ hơdip jum dar, plai ƀiă asuk ruk ? anai lĕ tơlơi jak iâu “Anăm yua đing hrĭp ia kơsu” yua kơ Ding jum wai lăng ayuh hyiăng rơhuông adai  hrŏm hăng anom bruă Nestle Việt Nam pơphun mơguah lơ 16/7. Tơlơi jak iâu Anăm yua đing hrĭp ia kơsu pơphun amăng 2 rơwang. Blung hlâo mơng blan 7 truh blan 8/2021, anai lĕ tơlơi jak iâu gum tơngan hrŏm mơng djop anom bruă, sang sĭ gơnam mơñum ƀong ba glăi pơ sang, café, sang dah phĭm, sang mơñum trà sữa khŏm yua gơnam hơdjă kiăng kơ lui hĭ yua đing hrĭp ia mơñum hăng kơsu ră anai. Rowang tal 2 pơphun mơng blan 8 truh blan 12/2021 amra pok pơhai hơdôm bruă “Hơdră bruă ngă kơ rŏng lŏn tơnah agaih rơnăk”, pơtrut pơtô pơblang brơi ƀing čơđai sang hră hơdư̆ ƀiă yua đing hrĭp mơñum ia kơsu.

Siu Đoan: Pơblang