VOV4.Jarai - Amăng mơguah lơ 10/8, ƀơi Anih jưh rơdêh kual Ngŏ hăng anih jưh rơdêh kual Yŭ, Jơnum min mơnuih ƀôn sang hơdôm bôh tơring čar Daklak, Kiên Giang gum hrom hăng Jơnum min mơnuih ƀôn sang ƀôn prong Hồ Chí Minh pơphun hơdôm tal pơgiăng mơnuih ƀôn sang glăi pơ̆ plơi pô hăng tơlơi gum djru rơdêh mơng Sang bruă Phương Trang. Bruă dưm dăp dưi prăp lui tŏng ten, mơnuih ƀôn sang dưi pơpha ƀơi hơdôm kual pha ra tui rim tơring glông glăi, pơhlôm rơwang ataih. Abih bang mơnuih ƀôn sang glăi leng kơ hmâo hră pơčrang lăng kơman dô̆ dưi mă yua ƀudah amra dưi test tañ ƀơi anih jưh rơdêh. Lu ñu hơdôm mơnuih glăi plơi tal anai lĕ mơnuih mă bruă rơngiă bruă mă, čơđai gưl dlông, mơnuih ƀôn sang glăi ƀôn prong Hồ Chí Minh hmâo bruă mă ha jăn pô hăng dô̆ đôm glăi lom ngă tui dô̆ čơlah. Amăng čơtlăm lơ 10/8, ƀơi Anih jưh rơdêh kual Ngŏ, Jơnum min mơnuih ƀon sang tơring čar Phú Yên ăt pơphun ba mơn mơnuih ƀôn sang Phú Yên glăi pơ̆ plơi tal 6 hăng rơbêh kơ 600 čô mơnuih./.

Siu H’ Prăk: Pô pơblang