VOV4.Jarai - Ding jum bruă mă, tơhan rơka hăng mơnuih mơnam gum hrŏm hăng Keh prăk djru ƀing čơđai Sang gum hơbit djop dêh čar (UNICEF) pơphun jơnum lăng nao rai mơng ataih “Lăng glăi hăng pok pơhai sa, dua hơdră pơgang, pơtô hrăm brơi ƀing čơđai amăng thun blan hơmâo klin Covid-19”. Jơnum hơmâo djop ding jum, gơnong bruă, Khul grup hăng 20 boh tơring čar, ƀôn prong glăk hơmâo klin ƀudah hơdôm anih klin Covid-19 glăk lar hyu kơtang. Tui hăng hră lăi pơthâo mơng djop tơring čar, truh lơ 31/8, đơ đam dêh čar hơmâo rơbêh 11 rơbâo 800 čô čơđai lĕ F0; mrô čơđai F1 lĕ rơbêh 27 rơbâo 300 čô. Jŭ yap prong ƀiă dong, ƀing čơđai bơbeč nao kơtang amăng tơlơi hơdip mơda, ngă kơ thun blan hơdip glăk truh thun prong bưp tơnap tap yua kơ klin ngă. Yua anun, bruă jao, hơdră bruă, amăng anun hơmâo grup hơdră bruă kiăng pơhlôm wai pơgang, pơtô hrăm brơi ƀing čơđai kiăng kơ pok pơhai. Amăng mông jơnum, lu ding jum, gơnong bruă hăng gong gai rơkâo kơnuk kơna hơmâo hơdră djru pơjrao brơi ƀing čơđai F0, F1 kiăng kơ tañ hơmâo vaccine tlâ̆o brơi ƀing čơđai.

Siu Đoan: Pơblang