VOV4.Jarai-Truh ră anai, anom bruă mă jia tơring čar Dak Lak phrâo tư̆ mă hră pơar mơ̆ng 500 čô mơnuih amăng mrô hơdôm hơpluh rơbâo sang anŏ sĭ mơdrô hơmâo anăn tŭ mă tơlơi djru tui Hră pơtrun mrô 68 mơ̆ng Kơnuk kơna. Tui hăng hră pơtrun mrô 68 mơ̆ng Kơnuk kơna kơ jơlan hơdră djru mơnuih mă bruă apah hăng sang bruă sĭ mơdrô apah mơnuih mă bruă bưp tơlơi tơnap tap yua Covid 19, rơnoh prăk kơnuk kơna djru sa wơ̆t 3 klăk kơ sa boh sang anŏ sĭ mơdrô khom pơdơi hĭ sĭ mơdrô amăng 15 hrơi pơngŏ yap mơ̆ng blan 5/2021 tui hăng tơlơi rơkâo mơ̆ng anom bruă kơnuk kơna pơtrun yua pơgang klin.

Tui hăng tơlơi pơtrun, hơdôm sang anŏ sĭ mơdrô hơmâo hră čih anăn sĭ mơdrô, hơmâo duh jia, hơmâo hră rơkâo djru, arăng nao pơsit mơ̆ng să, giong anun mơ-it nao pơ sang bruă duh jia ĕp glăi dơ̆ng. Hrom hăng tơlơi pơhing klin kheng ƀă hyu kơtang, hră pơar ngă lu črăn sa tơlơi mơ̆ ngă kơ tơring čar Dak Lak kaih hĭ amăng bruă ngă tui jơlan hơdră anai.

Nay Jek: Pơblang