VOV4.Jarai - Amăng mông jơnum bưp ƀô̆ mơta ƀing mơnuih pơ ala kơ mơnuih djru ngă hơkrŭ đưm, sang anô̆ ling tơhan pơsăn drơi ƀrô djơ̆ tal hơdor glăi 74 thun hrơi pioh kơ Ling tơhan rơka ruă hăng pơsăn drơi, Khua dêh čar ta brơi thâo, ră anai, rơbêh kơ 9 klăk 200 rơbâo čô mơnuih djru ngă hơkrŭ đưm dưi čơkă mă prăk gum djru. Hơdôm rơbâo čô amĭ Việt Nam sông kơtang glăk dưi čơkă rông ba. Rơnoh hơdip mơng sang anô̆ mơnuih hmâo gum djru ngă hơkrŭ đưm dưi pơhlôm dưm kơnar hăng dlông hloh rơnoh hơnong pơkă mơng mơnuih ƀôn sang ƀơi anih dô̆. Bruă ƀong bôh hơdor kơ pô pla gah yŭ tơlơi git gai mơng Ping gah, wai lăng mơng hơdôm gưl gong gai, tơlơi gum hrom mơng Jơnum min djop djuai ania mơnuih mơnam hăng hơdôm khul grŭp kơđi čar mơnuih mơnam hmâo lar tưp hyu laih djop đơ đam dêh čar hăng lu jơlan hơdră sit nik hăng tŭ yua; iâu pơhrui tơlơi gum hơgôp mơng abih bang mơnuih ƀôn sang kơ “Keh prăk hdor tơngiă” đĭ truh hơdôm rơbâo klai prăk; jơlan hơdră ƀơk sang dô̆ hơdor tơngia, ƀơi hră pơkrem prăk kơ ling tơhan rơka ruă ƀơk prăk djru hrăm hră kơ ană bă gah sang anô̆ hơdră bruă gum djru./.

Siu H’ Prăk: Pô pơblang