VOV4.Jarai - Mơguah lơ 24/6, ƀơi Sang bruă Kơnuk kơna, Kơ-iăng khua dêh čar ơi Vũ Đức Đam, Khua anom git gai pơgang klin Covid-19 jơnum lăng nao rai amăng tivi hăng khua mua tơring čar Đồng Nai kơ bruă pơgang klin ră anai. Pơhiăp ƀơi mông jơnum, Kơ-iăng khua dêh čar ơi Vũ Đức Đam pơtă hlâo, Đồng Nai lĕ tơring čar giăm ƀon prong Hồ Chí Minh, rơbêh ha mơkrah klăk čô kông ñơn mă bruă ƀơi sang măi pơkra gơnam, hơmâo tơdrun tum păn, dŏ jê̆ hăng Bình Dương.... tơdah hơmâo klin mut nao amăng tơnap pơgang biă, yua hnun khŏm wai lăng kơjăp mơnuih mơng ƀon prong Hồ Chí Minh, Bình Dương nao rai pơ Đồng Nai. Kơ-iăng khua dêh čar ta lăi: Wai lăng kơjăp ƀu djơ̆ “kŏm sĭ mơdrô bơwih ƀong huă ôh”, anai lĕ bruă kiăng mă yua măi mok boh thâo krăp lăng mơnuih nao rai. Hăng ƀing kông ñơn, biă ñu ƀing glăk dŏ hơdip pơ anih pơkŏn, mă bruă ƀơi hơdôm sang bơwih ƀong ƀơi tơring čar Đồng Nai ăt khŏm hơmâo hơdră wai lăng bruă arăng nao rai rơđah rơđông ƀơi rim boh sang măi.

Siu H’Mai: Pơblang