VOV4.Jarai - Hrơi tom brơi (24/11) ƀơi Hà Nội, Khua anih jưh pơ ala dêh čar Đức ƀơi Việt Nam Guido Hildner hơmâo jao 75 boh măi suă jua, 15 Monitor hăng 20.000 măi đo oxy hăng hơtai boh brơi kơ Sang ia jrao Sang hră gưl prong Đại học Y Hà Nội. Mrô măi mok gơnam gam gah ia jrao anai nua ñu giăm 21 klai prăk (825.000 Euro). Đĭ pơhiăp amăng mông jao gơnam, Khua anih jưh pơ ala dêh čar Đức ƀơi Việt Nam Guido Hildner brơi thâo: “Bruă djru gơnam tam măi mok anai, dêh čar Đức čang rơmang hrŏm hăng Việt Nam pơgang hĭ klin”. Hlâo anun, amăng blan 9, Đức hơmâo djru brơi Việt Nam giăm 3 klăk ha mơkrah vaccine AstraZeneca”.

Siu Đoan: Pơblang