VOV4.Jarai - Ƀrô hrơi ngui ngor blan Bơrơmi thun 2021, lơ 20/9, Grup mă bruă mơng Jơnum min mơnuih ƀon sang Gia Lai nao čuă, brơi gơnam kơ ƀing čơđai dŏ amăng anih pơčlah hăng ƀing čơđai glăk pơjrao covid-19 ƀơi tơring čar. Ră anai, tơring čar Gia Lai hơmâo 92 čô čơđai glăk dŏ pơčlah pơƀut ha anih hăng 23 čô glăk pơjrao Covid-19. Yua ƀu thâo ba nao tơl tơngan ƀing čơđai ôh, anun jing brơi pơ ƀing glăk dŏ mă bruă ƀơi anih pơčlah mơ-it gơnam kơ ƀing čơđai, hơ-ơč hmưi kơ ƀing čơđai hiam drơi jăn, suaih pral, tañ glăi mơng anih dŏ pơčlah, glăi pơ sang anŏ.

Gơnam hơmâo brơi kơ ƀing čơđai ƀơi anih dŏ pơčlah

Rơngiao kơ gơnam mơng Jơnum min mơnuih ƀon sang tơring čar brơi, truh tlam lơ 20/9, hơmâo giăm 1000 anung gơnam mơng hơdôm anom bruă, khul grup brơi kơ ƀing čơđai glăk dŏ pơčlah hăng glăk pơjrao kman Covid-19. Hơdôm anung gơnam anai hơmâo ƀing khua, tơhan wai lăng brơi tơl tơngan ƀing čơđai.

Siu H’Mai: Pơblang