VOV4.Jarai - Lơ 18/10, grup mă bruă mơng tơring čar Gia Lai hơmâo čơkă 296 čô mơnuih, anun lĕ ƀing đah kơmơi pi kian, čơđai anet, ƀing tha, mơnuih djuai ƀiă glăk ngă bruă, hơdip ƀơi kual dơnung - anih glăk hơmâo klin glăi pơ plơi pla rơnuk rơnua. Hlâo kơ anun, grup djru bruă mơng tơring čar Gia Lai hơmâo 22 čô, hơmâo tơlơi djru ba mơng 13 boh rơdêh prong hơmâo sưng đih gah sang rơdêh Phương Trang nao čơkă glăi mơnuih ƀon sang mơng anih hơmâo klin. Grup hơmâo kah jing 3 grup čơkă mơnuih ƀon sang ƀơi 3 anih ƀơi Bình Dương, Đồng Nai hăng ƀon prong Hồ Chí Minh. Truh 3 mông tlam lơ 17/10, rơdêh pơwơ̆t glăi hăng glăi truh pơ Gia Lai amăng mơguah lơ 18/10. Tơdơi kơ glăi truh arăng ba nao hlao pơ anih pơčlah, ană plơi pla hơmâo ƀing khua, ling tơhan pruih kman, pơkă hyuh drơi jăn, čih anăn pơhaih kơ ƀing ơi ia jrao, laih dong kah pơpha anih dŏ, pơgăn glông nao rai kiăng rơnuk rơnua. Tal anai, blung a him lăng amra čơkă 604 čô mơnuih, samơ̆ yua lu tơlơi tơnap jing mrô mơnuih glăi aset đôč.

Siu H’Mai: Pơblang