VOV4.Jarai - Mơguah lơ 27/10, hơmâo 326 čô mơnuih ƀon sang tơring čar Gia Lai glăi mơng hơdôm boh tơring čar gah dơnung, hơmâo tơring čar čơkă glăi pơ plơi prong Pleiku rơnuk rơnua laih. Ƀing hơmâo čơkă glăi amăng tal anai lĕ čơđai hrăm anih muai, gưl sa, hăng amĭ ama ƀing čơđai glăk dŏ đom glăi pơ ƀon prong Hồ Chí Minh hăng 32 boh tơring čar Bình Dương, Đồng Nai. Tơdơi kơ glăi truh pơ Pleiku, 125 čô mơnuih mơng ƀon prong Hồ Chí Minh hơmâo ba pơčlah hơjăn pơ Anom bruă Pơtŏp, pơtô apăn bruă tơhan hăng rơnuk rơnua lŏn ia (Trung đoàn Bộ binh 991, Anom bruă git gai tơhan tơring čar Gia Lai). Hơdôm čô mơnuih dŏ glăi mơng tơring čar Bình Dương hăng Đồng Nai amra hơmâo ba pơčlah pơ Sang hră Cao đẳng nghề mrô 21 (Binh đoàn 15). Bruă čơkă glăi mơnuih ƀon sang hơmâo pơhlôm rơnuk rơnua, ngă tui tơlơi pơtrun pơgang klin Covid-19.

Siu H’Mai: Pơblang