VOV4.Jarai-Truh ră anai, tơring čar Gia Lai hơmâo ngă tui bruă djru rơbêh 2.500 boh sang bruă sĭ mơdrô, sang anŏ bơwih ƀong huă sĭ mơdrô hang rơbêh 7000 čô mơnuih mă bruă apah bơbeč djơ̆ tơnap tap yua klin covid 19 ngă.

Gia Lai hơmâo djru rơbêh 9.500 čô mơnuih, anom bruă bơbeč

djơ̆ mơ̆ng klin covid 19

Rơđah biă mă ñu, hơmâo giăm 2000 boh anom bruă sĭ mơdrô dưi pơhrŏ rơnoh prăk duh kơ bruă pơhlôm nua tơlơi truh lơ̆m mă bruă, tơlơi duăm ruă tơbiă mơ̆ng bruă mă apah amăng 1 thun, rơnoh prăk djru abih tih 11 klai 500 klăk prăk; rơbêh 500 boh sang anŏ sĭ mơdrô dưi djru 1 klai 600 klăk prăk. Hrom hăng anun, hơdôm rơtuh čô mơnuih mă bruă gah gru grua tơlơi adoh suang, ƀing ba tuai hyu ngui, mơnuih mă bruă apah ƀu hơmâo bruă mă, ăt dưi tŭ mă tơlơi djru djơ̆ tơlơi phiăn.

Hăng mrô mơnuih mă bruă apah ƀu hơđong bưp tơlơi tơnap tap yua klin kheng ngă, tơring čar Gia Lai hơmâo pok pơhai djru rơbêh 6.700 čô mơnuih, rơnoh prăk rơbêh 10 klai prăk.

Nay Jek: Pơblang