VOV4.Jarai - Mơguah lơ 30/9, ƀơi Sang bruă Ping gah tơring čar Gia Lai, amăng jơlan hơdră Jơnum khua mua Ping gah lok 5, Khul khua apăn bruă git gai Ping gah tơring čar tal 16 (pok prong), Khul khua gum bruă Ping gah tơring čar hơmâo pơphun Jơnum lăi pơthâo tơlơi pơsit kơ mơnuih mă bruă mơng Khul khua apăn bruă git gai Ping gah hăng Jơnum min mơnuih ƀon sang tơring čar Gia Lai mơng lơ 4/10.

Rơđah biă ñu: Khul khua gum bruă Ping gah tơring čar Gia Lai pơsit brơi ơi Nguyễn Hữu Quế - lui hĭ ngă bruă amăng Khul khua apăn bruă git gai Ping gah, Khul khua apăn bruă git gai Ping gah plơi prong, pơkiăo nao mă bruă pơ Gơnong bruă wai lăng Akŏ bruă hăng Tuh pơ plai. Pơsit pơkiăo nao ơi Đỗ Việt Hưng - Khua gơnong bruă man pơkra tơring čar Gia Lai nao ngă bruă amăng Khul khua apăn bruă git gai Ping gah, Khul khua gum bruă Ping gah plơi prong, ngă Kơ-iăng khua git gai Ping gah plơi prong Pleiku rơwang thun 2021-2025. Brơi ơi Nguyễn Bá Thạch - Kơ-iăng khua Ping gah tơring glông Čư̆ Pưh lui hĭ ngă bruă amăng Khul khua apăn bruă git gai Ping gah, Khul khua gum bruă Ping gah tơring glông, lui hĭ ngă Kơ-iăng khua git gai Ping gah tơring glông Čư̆ Pưh laih anun brơi ñu nao mă bruă ƀơi Gơnong bruă man pơkra. Pơsit ruah ơi Võ Hoàng Bình - Khua anom bruă Lý luận Chính trị - Lịch sử Đảng, Anom pơtô bruă Ping gah tơring čar ngă Kơ-iăng Khua Anom pơtô bruă Ping gah tơring čar.

Siu H’Mai: Pơblang