VOV4.Jarai-Mơguah lơ 19/5, Ping gah tơring čar Gia Lai pơphun jơnum lăi pơthâo Hră pơtrun mơ̆ng Khua mua apăn bruă git gai ping gah dêh čar pơsit ơi Rahlan Chung-khua hơđăp anom bruă pơphun bruă ping gah tơring čar Gia Lai ngă Kơ-iăng Khua git gai ping gah tơring čar Gia Lai rơwang bruă thun 2021-2025.

Ơi Rahlan Chung gah ieo tŭ mă hră pơsit jao bruă mơ̆ng

khua mua git gai ping gah dêh čar

Ƀơi mông lăi pơthâo hră pơsit, ơi Hồ Văn Niên-Khua git gai Ping gah tơring čar Gia Lai bơni biă mă kơ Rah Lan Chung yua hơmâo hrăm djơ̆ hơdră, djop, mă bruă mơ̆ng anom bruă pơyŭ, tơlơi hrăm truh kih, thâo hruaih bruă mă, hơmâo tơlơi bơblih phrâo, ngă giong na nao bruă mă jao.

Ơi Rahlah Chung bơni kơ tơlơi đăo kơnang mơ̆ng Ding jum kơđi čar, Khua mua apăn bruă git gai ping gah dêh čar hăng Khua mua apăn bruă ping gah tơring čar Gia Lai hơmâo đăo kơnang jao bruă kơ ñu laih anun ƀuăn amra abih pran jua mă bruă hrăm na nao tơlơi thâo, ƀư̆ pơkra pran jua brơi tơpă, kjăp kơtang, lăp djơ̆ sa čô mơnuih ngă bruă kơđi čar, gum pran jua tơlơi pơmin kơ bruă mă amăng ping gah tơring čar dưi ngă tủh kih hơdôm tơhnal pơtrun bơwih ƀong huă amăng tơring čar.

Nay Jek: Pơblang