VOV4.Jarai - Anom bruă git gai pơgang klin Covid-19 tơring čar Gia Lai hơmâo pơtrun Akŏ bruă ngă lăng hlâo wai lăng mơnuih ƀă klin Covid-19 huăi duam, mơnuih ƀă glăi kman SARS-CoV-2 hăng ƀing dŏ giăm hăng mơnuih ruă (F1) ƀơi sang anŏ gơñu. Rơđah biă ñu, tơlơi pơtrun mơng Anom git gai pơgang klin Covid-19 tơring čar Gia Lai lăi pơthâo: mơng blan 10/2021 truh mông anai, mơnuih ƀon sang hlong glăi mă pô pơ tơring čar lu biă, jing ngă anih pơčlah kơniă, ƀu bit anih dŏ dong tah, ƀing F0 lu tui hloh. Gia Lai hơmâo akŏ pơdong dua boh sang ia jrao tơhan pơdong jăng jai pơjrao brơi ƀing ƀă klin F0, samơ̆ ăt kơniă mơn.

Tui hăng akŏ bruă phrâo pơtrun, Gia Lai amra ngă lăng bruă brơi pơjrao ƀing F0 ƀă glăi klin dưi pơjrao pơ sang tơdah huăi ƀuh nam ruă; ƀing hơmâo tlâ̆o djŏp 2 arăt vaccine pơgang Covid-19; mơnuih rơbêh 1 thun truh yŭ kơ 50 thun, huăi hơmâo tơlơi ruă pơkŏn, huăi ƀă pi. Bruă wai lăng ƀing ƀă klin F0 pơ sang hơmâo ngă mơng lơ 1/12/2021, hăng ƀing F0 huăi mưn ruă, dưi pơphun ngă lơ̆m tơring čar hơmâo 5000 čô mơnuih ƀă klin truh kơ lu hloh.

Siu H’Mai: Pơblang