VOV4.Jarai - Khul git gai pơgang klin Covid-19 tơring čar Gia Lai hơmâo jơnum lăng nao rai amăng tivi hăng Grup git gai hơdôm boh tơring glông, plơi prong kơ bruă pơgang klin, pơhlôm rơnuk rơnua amăng hrơi ruah khua pơ ala mơnuih ƀon sang dêh čar tal 15 hăng khua pơ ala mơnuih ƀon sang djŏp gưl rơwang thun 2021-2026. Ƀơi mông jơnum, Khua mua apăn bruă git gai hơmâo pôr pơthâo hăng pơtô ba rơđah hơdră pơgang klin Covid-19 hăng pơhlôm rơnuk rơnua amăng hrơi nao plĕ hră. Pơhiăp klah čun glăi mông jơnum, Jơnum min mơnuih ƀon sang tơring čar git gai djŏp anom bruă amăng tơring čar hơmâo hơdră pơgang klin hrŏm, pơhlôm hơmâo rơdêh, măi mok, biă ñu gơnam pơgang klin kơ ƀing ngă bruă amăng hrơi ruah khua. Jơnum min mơnuih ƀon sang tơring čar kiăng hơmâo hơdră ngă bruă hrŏm pơkra hră plĕ hơdjă, hơdră pơhlôm pơgang klin Covid-19 klă amăng hrơi plĕ hră.

Siu H’Mai: Pơblang