VOV4.Jarai - Tlam lơ 19/7, Grup git gai pơgang klin Covid-19 tơring čar Gia Lai tŭ ư bruă čơkă 1000 čô mơnuih mơng ƀon prong Hồ Chí Minh hăng tơring čar Bình Dương (anih glăk hơmâo klin kơtang) glăi pơ plơi pla. Tŏng ten ñu, Gia Lai amra čơkă 1000 čô mơnuih, hơmâo ƀing tha, čơđai, mơnuih duam ruă, tơnap tap, ƀu hơmâo bruă mă, mơnuih ƀon sang djuai ƀiă, ƀing đah kơmơi pi kian. Arăng nao tŭ hăng rơdêh por ƀudah rơdêh ôtô. Ƀing dŏ pơ plơi pla hơpă lĕ glăi pơ plơi pla anun pơčlah tui tơlơi pơtrun. Ƀơi anăp tơlơi hŭi rơhyưt yua klin Covid-19 ngă ƀơi hơdôm boh tơring čar ieo gah, laih dong mrô mơnuih bă phrâo jai hrơi lu tui mơn, Gia Lai hơmâo prăp lui 21 anih pơčlah hrŏm ƀơi tơring čar, hăng mrô mơnuih dưi dŏ pơčlah lĕ giăm 3000 čô mơnuih.

Siu H’Mai: Pơblang