VOV4.Jarai - Mơguah lơ 31/8, grup hyu mă bruă mơng tơring čar Gialai hơmâo ba glăi 22 čô đai kơmơi pi kian hăng 2 čô čơđai mua mơng Bình Dương. Abih bang đah kơmơi, hăng čơđai anai hơmâo ba nao pơ anih pơčlah pơƀut ƀơi sang E991 tơring čar Gialai. Ƀing pô anai amra pơčlah phara hăng pơčrang lăng  lu wŏt. Lu đah kơmơi ba glăi tal anai lêng kơ pi kian mơng 6 blan pơ glông, sang anŏ tơnap tap, biă mă ñu đa mơnuih pi kian 9 blan laih.

Kiăng kơ ba glăi ƀing pô anai, tơring čar Gialai hơmâo jao 1 ơi ia jrao hăng 2 čô nai ia jrao djru kiăng tui lăng hŭi kơ hơmâo tơlơi hơget thơ. Hlâo anun, gơnong bruă mă - tơhan rơka hăng mơnuih mơnam Gialai hăng tơring čar Bình Dương hơmâo gum hrŏm, djru pơčrang lăng; djru brơi ƀing pô anai nao pơ tơdron rơdêh hlâo kơ glăi pơ tơring čar Gialai. Blung hlâo him lăng hơmâo 25 čô đah kơmơi hăng 4 čô čơđai muai amra pơgiăng glăi, samơ̆ yua tơlơi suaih pral, kơnong dưi pơgiăng glăi 25 čô đôč. Abih bang 22 čô đah kơmơi pi kian hăng 2 čô čơđai anet glăk pơ tơring čar lêng kơ suaih pral, bruă pơgiăng glăi rơnuk rơnua, hiam klă.

Siu Đoan: Pơblang