VOV4.Jarai - Ƀơi anăp kơ tơlơi tơnap tap mơng klin Covid-19 amăng đơ đam dêh čar hăng amăng tơring čar, gơnong bruă sĭ mơdrô Gialai hơmâo akŏ bruă sĭ mơdrô gơnam ƀong huă hăng gơnam yua rĭm hrơi, laih dong blơi gơnam đang hmua amăng hrơi blan hơmâo klin. Tui anun, gơnong bruă sĭ mơdrô Gialai hơmâo pơjing akŏ bruă djă pioh gơnam, hăng abih tih nua ñu giăm 9.000 klai prăk.

Gialai đĭ lu tui djă pioh gơnam yua pioh pơgang klin Covid-19

Rơkâo 65 anom bơwih ƀong sĭ mơdrô amăng tơring čar đĭ tui gơnam djă pioh lĕ 1,5 wŏt pơhmu hăng hlâo anun. Hrŏm hăng anun, bruă pơhlôm blơi gơnam đang hmua mơng mơnuih ƀon sang glăi pơ sang măi pơkra pơjing ăt hơmâo gơnong bruă sĭ mơdrô Gialai đing nao. Gơnong bruă sĭ mơdrô djop ƀon lan hơmâo hơdră pơdŭ pơgiăng gơnam tam pơhlôm amăng pơgang klin; ƀu brơi kŏm sĭ mơdrô hăng gơnam đang hmua; rơkâo djop anom bơwih ƀong sĭ mơdrô tŏ tui bruă mă, rơkâo kông nhơn nao mă bruă hăng brơi pơdơi ƀong huă ƀơi sang măi mơtăm, pơphun blơi mut gơnam đam hmua, akan hơdang mơng mơnuih ƀon sang.

Siu Đoan: Pơblang