VOV4.Jarai - Truh tlam lơ 18/10, tơring čar Gialai tlâ̆o brơi vaccine Covid-19 kơ giăm 301 rơbâo čô mơnuih. Amăng anun, plơi prong Pleiku,  mơnuih 18 thun pơ glông tlâ̆o giăm rơbêh 80%. Truh 5 mông tlam lơ 18/10, tơring čar Gialai hơmâo pơphun tlâ̆o vaccine brơi 300.900 čô mơnuih. Amăng anun, rơbêh 72.100 čô mơnuih tlâ̆o 2 ară laih hăng rơbêh 229.000 čô mơnuih tlâ̆o 1 ară.

Yua anun, ƀơi Gialai, ră anai hơmâo 31% mrô mơnuih mơng 18 thun pơ glông hơmâo tlâ̆o 1 ară vaccine pơgang klin Covid-19. Hơdôm ƀon lan amăng tơring čar hơmâo mrô mơnuih tlâ̆o lu hloh lĕ plơi prong Pleiku 82%, plơi prong AyunPa 40%, An Khê 29%. Yă Nguyễn Thị Thanh Lịch - Kơ-iăng khua Jơnum min mơnuih ƀon sang tơring čar Gialai brơi thâo, bruă pok pơhai tlâ̆o brơi vaccine tañ lĕ sa amăng hơdôm bruă yôm phun kiăng kơ tơring čar pơphun pok glăi bơwih ƀong huă-mơnuih mơnam pơ anăp.

Siu Đoan: Pơblang